Måndag klokka 09.55 fekk politiet melding frå ein bilist som hadde observert ein bil som køyrde feil veg i 100-sona på E39 Halhjemsvegen.
– Vedkomande køyrde retning nord i Skogafjellstunnelen då ein bil kom imot, fortel politioverbetjent Anne Lyssand.
Det er langt frå første gong nokon køyrer feil veg på motorvegen som opna 31. oktober i fjor, men som oftast har det vore i den lengste tunellen, Lyshorntunnelen.
– Vi har gode opplysingar om bilen, og vegtrafikksentralen har video av hendinga. Det er oppretta sak, men det gjenstår noko etterforsking.
