To nye tilfelle av feil retning på nyevegen

Onsdag kveld køyrde ein entreprenør på oppdrag for vegvesenet feil veg i Råtunnelen. Vedkomande skulle på oppdrag i Lyshorntunnelen, men då den var stengd hamna han feil veg i feil tunnel, opplyser BT.

To gongar torsdag var det bilar på veg i feil retning i Os.

Først, klokka 08.55, køyrde ein bil feil retning på ein av avkøyringsrampane i Endelausmarka.

– Bilførar, ein mann i 60-åra, fekk snudd før vedkomande var nede på E39. Politiet har vore i kontakt med bilførar, som forklarte årsaka. Vi tar dette vidare til Statens vegvesen. Det er foreløpig ikkje oppretta sak på hendinga, opplyser vakthavande ved Bjørnafjorden politistasjon.

Så, klokka 10.30, kom det melding om ein bil som hadde snudd på motorvegen rett før innkøyringa i Skogafjellstunnelen i Svegatjørn.

– Vitner på staden fekk bilisten til å køyra av motorvegen på same stad relativt kort tid seinare.

Politiet rykte ut og fekk kontrollert førar. På Tysnes.

– Grunna vitneobservasjonar av køyringa er det oppretta sak. Etterforsking vil seinare visa kva reaksjonar det fører til.

Bilførar er ein mann i 80-åra.