Har laga treskulptur til musikaren som speler på opninga
Bodil Friele blei så imponert over ukrainske Kateryna Miller frå Øyane, at ho både bestilte musikk og lagde ein stor skulptur.
Laurdag opnar Vedholmen Galleri ei vårutstilling som skal stå til 14. mai.
Utstillar er Bodil Friele.
Ho hadde ein hektisk haust med utstilling i Grieghallen, no blir det ein vår på Sundøy.
– Vi er kry av å kunna visa den femte separatutstillinga til denne ekspressive, innovative kunstnaren, og vi gler oss til vegen vidare, seier gallerist Vibeke Harild.
Opningstale er ved kunsthistorikar Gunnar Danbolt. Kateryna Miller skal stå for musikalsk innslag.
– Miller er frå Ukraina og er no busett i Øyane. Friele var gjest på vår førre vernissasje, og blei så imponert over musikken at ho spurde om ikkje Miller kunne spela på hennar opning òg, fortel Harild.
Friele har også laga ein høg treskulptur som er del av utstillinga.
– Her blir det både eit møte mellom nasjonar og generasjonar, ei ekstra stor glede for oss som driv galleri.