Har signert to 19-åringar

Lysekloster si tredje signering i sommer er klar. Markus Vassnes kom frå Fyllingsdalen før heimekampen mot Stord og fekk debuten sin med å legga opp til 4-1 skåringa. 

Ambisiøs spiss

Til helgas bortekamp kan 19 år gamle Eskild Båsen få sin debut når Lysekloster speler borte mot Varegg.

Båsen kjem til Lysekloster frå Vard Haugesund, kor han har spelt 19 kampar for A-laget og 47 kampar for B-laget. Tilsaman har han skåra 17 mål.

– Eg visste Lysekloster var ein meget bra 3. divisjonsklubb med ambisjonar om å spele på eit høgre nivå. Det passa meg veldig godt å koma til ein klubb som er like ambisiøs som meg, seier 19-åringen som frå hausten av skal studera i Bergen til klubben si heimeside.

– Inntrykket eg har fått av klubben så langt er berre positivt. Det er mange gode spelarar pluss eit fantastisk støtteapparat rundt A-laget som har tatt meg enormt godt imot.

– Nivået på trening har også overraska meg positivt. Det er eit mykje høgre tempo og intensitet enn eg trudde. No satsar eg på å utvikle meg mot mine personelege mål, samstundes som eg skal bidra til at Lysekloster rykker opp.

Frå Haugesund til Lysekloster

Klubbens andre signering er 19 år gamle Kristoffer Gunnarshaug. Midtbanespelaren kjem frå Haugesund, kor han den siste sesongen har vore ein del av A-stallen til eliteserieklubben. Han har fått ein kamp med elitelaget då laget slo ut Skjold i NM i april.

Gunnarshaug har 67 kampar for Haugesund 2 kor han i fjor spelte begge kampane mot både Lysekloster og Os. Han har skåra tre mål for laget.