Sport | 30. mai 2023

Her vil STIL tena pengar

God respons på nytt tiltak.

Her vil STIL tena pengar
Kjetil Vasby Bruarøy
Kjetil Vasby Bruarøytirsdag 30. mai 2023 12:56

Søfteland Turn & Idrettslag har ikkje berre kome i gang igjen med Ulvenmarsjen og herrelag i fotball, dei har vind i segla også i «marknadsavdelinga».

– Det er eit nytt styre og fleire nye idear på bordet. Det vi skal i gang med no er nytt for oss, seier Elena Wangsholm, styremedlem i fotballgruppa og e-sport-gruppa.

Søndag blir det loppemarknad i eit 160 kvadratmeter stort tilt. Frå laurdag formiddag til søndag kveld har idrettslaget dessutan auksjon.

– Vi har fått inn fleire fine premiar, blant anna signert drakt og ball frå SK Brann.

Auksjonen går digitalt via STIL si Facebook-side, og med sjanse for å legga inn bod mens marknaden søndag er open.

Teltet står på lånt tomt mellom Stilvoll og Sælen Møbler. (Foto: Kjetil Vasby Bruarøy)
Teltet står på lånt tomt mellom Stilvoll og Sælen Møbler. (Foto: Kjetil Vasby Bruarøy)

Inntekta frå loppemarknaden skal koma frå sal av plass, kvar sitt bord, i teltet. Dei som sel varer tener pengane sine sjølv.

– Utanom dette vil Søfteland TIL ha 2-3 bord til kiosk og loddsal.

Då Midtsiden snakka med Wangsholm før helga hadde dei selt 15 av 20 bord. Seinare har det blitt utvida.

– 24 bord er selt og vi jobbar med å få på plass 10-15 bord til. Det er med andre ord framleis plass, om det er fleire privatpersonar eller bedrifter som har lopper å kvitta seg med.

– Vi håper dette blir ein livleg og kjekk dag for både utstillarar og besøkande, og samtidig eit arrangement for gjenbruk og litt inntening for mange, seier Wangsholm.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.