Sport | 14. okt. 2015

Historisk søster-duell

Emilie og Elisa Christensen blir historiske når dei møtast til kamp mellom Glassverket og Sola onsdag ettermiddag.

Historisk søster-duell
Elisa og Emilie Christensen møtast på kvar sin banehalvdel når Glassverket tek imot Sola i Drammenshallen onsdag (foto: Sola/Charlotte Mæland, Solabladet og Glassverket)
Andris Hamreonsdag 14. okt. 2015 13:44

Ikkje sidan Bjørg og Berit Solberg spelte saman på Os i toppserien på 70-talet har to søstre frå Os spelt samstundes i den øvste divisjonen i handball.

Onsdag ettermiddag blir Emilie (22) og Elisa (25) Christensen historiske, som det første søskenparet frå Os, som møtast i ein eliteseriekamp. Emilie som bakspelar hos Glassverket, Elisa som bakspelar hos Sola, saman med ein anna osing Anna Bjørke Kallestad (19).

Kampen går direkte på Eurosport Norge klokka 18.

Har alltid konkurrert

Sist dei to spelte saman var i 1. divisjon for Fana før Emilie blei henta til Glassverket i 2013/14-sesongen. At det no er duka for søster-fight igjen er det liten tvil om.

– Eg trur ikkje vi tenkjer så mykje over det ute på banen. Men det blir veldig viktig å vinna, for å seie det slik. Vi har konkurrert om alt som kan konkurrerast om opp gjennom åra. Dette blir neppe eit unntak. Men det er jo veldig hyggelig at vi møtast da.

– Det er jo typisk at vi speler på same plass på banen, så då vi var på same lag var det alltid krangling om kven som skulle spele. Det slepp vi no, men det kan bli nokre tøffe tak utpå banen, seier Emilie Christensen til Glassverket si heimeside.

Leier serien

Etter seks serierunder leier Emilie og Glassverket Grundigligaen med ti poeng foran Tertnes, det einaste laget dei har tapt mot hittil i sesongen, og fjorårets suverene serievinnarar Larvik, som før sesongen blei trekt tre poeng grunna dårleg økonomi i klubben.

Elisa og Sola er nyopprykka til Grundigligaen før denne sesongen og står med to sigre og fire tap på dei første seks kampane. Sola ligg på 9. plass på tabellen, to poeng foran Skrim Kongsberg på kvalifiseringsplassen.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.