Hjort påkøyrd i 100-sona
Ei veke etter førre påkøyrsle, blei nok ein hjort påkøyrd, denne gong i område som er delvis skjerma.
I 07-tida måndag morgon blei ein hjort påkøyrd i 100-sona på E39 mellom Skogafjellstunnelen og Lyshorntunnelen.
– Ingen personar blei skadd, opplyser politioverbetjent Atle Birkeland.
Viltkontakt blei varsla. Meldar fekk ikkje med seg om det var behov for ettersøk, eller om hjorten låg igjen på staden.
E39 gjennom Endelausmarka er delvis skjerma for hjort med 2,5 kilometer med viltgjerde, men naturlegvis med opning for både trafikk og dyr i samband med av- og påkøyrslar mot Drange.
Laurdag for ei god veke sidan blei det òg påkøyrd hjort på ny E39, då i 80-sone i Svegatjørn, i motsett ende av Skogafjellstunnelen.
Det er skilta med fare for kryssande vilt i og utanfor tunellane, og det har dei siste vekene kome fleire meldingar til politiet og Vegtrafikksentralen om mykje hjort som går og beitar langs vegen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.