Ikkje lys – men mykje varme

VIDEO: Straumstans og snøstorm sette ingen stoppar for Coca Cola-nissen. Bandet spelte Åge-låta Lys og Varme akustisk og gode naboar redda middagen.

Kjetil Vasby Bruarøy
Kjetil Vasby Bruarøyfredag 06. des. 2013 13:41

Bildeserie:

Ikkje lys, men mykje varme. (Foto: KVB)
Rundt 100 gjestar venta på Coca Cola-nissen. (Foto: KVB)
Endeleg på plass. (Foto: KVB)
Bilen hadde pitstop på Røykenes før ferja frå Halhjem. (Foto: KVB)
Gustav Bahus og Gustav junior er glad i amerikanske bilar. (Foto: KVB)
Photo-session. (Foto: KVB)
Ikkje lys, men mykje varme. (Foto: KVB)
Rundt 100 gjestar venta på Coca Cola-nissen. (Foto: KVB)
1 av 6
Rundt 100 gjestar venta på Coca Cola-nissen. (Foto: KVB)
Endeleg på plass. (Foto: KVB)
Bilen hadde pitstop på Røykenes før ferja frå Halhjem. (Foto: KVB)
Gustav Bahus og Gustav junior er glad i amerikanske bilar. (Foto: KVB)
Photo-session. (Foto: KVB)
Ikkje lys, men mykje varme. (Foto: KVB)

For første gong på mange år hadde Coca Cola-nissen i går pitstop på Os.

Timane i forvegen blei spennande, med snøstorm, stengte vegar grunna velta tre og straumstans på Søfteland og Er-An Veikro, der nissen skulle eta.

– Hjeeeelp! 100 gjestar og ingen straum! skreiv Linda Andersen til Midtsiden i ei tekstmelding ein time før nissen kom.

Men gjestane og nissen fekk ein koseleg kveld.

SJÅ VIDEO NEDST I ARTIKKELEN

Nissen fortalte vitsar

Før nissen kom sat rundt 100 gjestar i ei mørklagt vegkro.

Med talgelys og brus heldt dei stemninga oppe, og då Cola-traileren rygga inn på plassen, med fulle lys, gjekk alle ut for å ta bilde.

Nissen gjekk inn for å eta, gjestane gjekk inn for å venta. Så kom nissen ned, helste på ungane, fortalte nokre vitsar og sette seg på ein stol så alle kunne ta bilde.

Så kom straumen og det hagla med bestillingar til kjøkkenet. Men ikkje all middagen blei ferdig før straumen forsvann igjen.

– Redda av gode naboar

Nissen reiste sørover igjen og gjestane sat i mørket. Nye gjestar kom, gjestar som hadde bestilt julebord.

– Det blei litt av ei utfordring, i løpet av mine 20 år her på bygrensa har eg aldri opplevd så lang straumstans, fortel Linda, som driv vegkroa saman med dottera Hanne Catrine.

– Nissen fekk mat, takka vera vår gode nabo Øyvind Thorsen, som stilte komfyren sin til disposisjon. Vi kjørte pinnekjøt, medisterkaker, poteter og kålrotstappe rett over bygrensa, og bra var det, for nissen åt 10 medisterkaker, humrar ho.

Hadde han spurd kva Linda ønskjer seg til jul ville ho svart "straum".

Neste utfordring blei selskapet som hadde bestilt julebord, men då kom nok ein god nabo med ei hjelpande hand.

– Magnar Bjørnevik kom med straumaggregat som akkurat var stort nok til at vi fekk straum til to plater, så då klarte vi å servera ein ny runde med julemat.

Steinar Lyssand , Kurt Røttingen og Erik Rolland spelte akustisk gitar i mørket og starta med Åge Aleksandersen-låta Lys og Varme.

– Takka vera gode naboar, tolmodige gjestar, ein morosam nisse og ein fin Cola-trailer blei det ein heilt uforgløymeleg kveld, seier Linda.

VIDEO: Sjå to minutt av nissebesøket. (Foto: KVB, midtsiden.no)

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.