Ingen reaksjonar under Øyafest
Politibåten på vellykka tokt under festivalen.
Arrangørane av Øyafest har takka publikum for både tidleg frammøte, god stemning og fin framferd.
Vaktsjefen fortel om uvanleg få, berre 3-4 gjestar, som måtte ut av området for å lufta seg litt.
Også på sjøen gjekk det fint.
I 21.50-tida fredag, i samband med festivalen, kontrollerte politibåten Kjølen fleire båtar.
– Dei fann ikkje noko å reagera på, opplyser politioverbetjent Anne Lyssand.
Festivalen blei runda av med fyrverkeri, der dei kortreiste leverandørane i Propyro frå Sundøy hadde lagt vekt på lys, ikkje lyd, denne kvelden.
Likevel kom det klage.
– Meldar kom frå Halhjem, fortel Lyssand.
Fyrverkeriet blei skote opp frå lekter som låg mellom Hargun og Lepsøybrua, og varte i cirka 80 sekund.
Sjå video av heile eit stykke nede i denne reportasjen frå festivalkvelden:
