Politi | 20. sep. 2022

Innbrot i Industrivegen

Utstyr og verktøy er stole frå bedrift.

Politiet, her på eit tidlegare oppdrag i Industrivegen, var i går ute for å sjekka åstaden. (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 20. sep. 2022 07:09

Måndag morgon blei det oppdaga at det har vore innbrot hos Bir Kolskogen, gjenvinningsstasjonen i Industrivegen.

– Det var laga hol i gjerdet. Diverse verktøy og utstyr er sakna frå staden, fortel politibetjent Sindre Lekven Hallem.

Total verdi på det som er stole er foreløpig uvisst. Innbrotet har truleg skjedd i helga, ein gong mellom stengetid laurdag og måndag morgon.

Sak er oppretta. Politiet har ingen mistenkte.

Politioverbetjent Atle Birkeland. (Arkivfoto: Kjetil Vasby Bruarøy)
Les òg– Det kan sjå ut som om dei har vore på fleire raid

Etter førre helg blei det oppdaga tre tjuveri av utstyr frå lastebilar i same område.

Det er uvisst om politiet ser innbrotet hos Bir i samanheng med desse.

Førre innbrot hos Bir er for berre tre månadar sidan. Då blei det stole ting andre har kasta, og ikkje verktøy eller utstyr.

To tilfelle av vinglete køyring

Litt før klokka 15 måndag fekk politiet melding om vinglete køyring på E39 Halhjemsvegen retning Os.

Patruljen var ute og såg etter bilen, men fann den ikkje. Meldar hadde heller ikkje notert registreringsnummeret.

I 19-tida kom tilsvarande melding, men då i retning Halhjem.

Denne gong fekk politiet stoppa bilen. Bilførar, ein mann i 60-åra, blei kontrollert for promille.

– Det er ikkje mistanke om rus. Bilførar blei dimittert med ei åtvaring, hendinga blei loggført i tilfelle det kjem tilsvarande tips på vedkomande si køyring seinare.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.