Politi | 14. sep. 2022

– Det kan sjå ut som om dei har vore på fleire raid

Politiet åtvarar lastebileigarar og ber publikum ha låg terskel for å tipsa.

Politioverbetjent Atle Birkeland. (Arkivfoto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 14. sep. 2022 08:02

Måndag morgon og måndag rundt lunsj fekk politiet melding om tjuveri frå to ulike bedrifter.

Det første handla om tjuveri av styringseiningar til verdi av rundt 120.000 kroner.

I går kom det inn melding om nok eit tjuveri av styringseining, frå ei tredje bedrift, også denne i eit område nord for Os sentrum.

– Tjuveriet er oppdaga i går, men også dette tjuveriet kan ha skjedd i helga, seier politioverbetjent Atle Birkeland til Midtsiden.

Felles for tjuveria er at det er styringseiningar til Volvo lastebil nyare enn 2014 som er tatt.

– Vi vil gjera eigarar av slike køyretøy merksame på desse tre tjuveria, og oppmodar dei om å sikra bilanesine så godt dei kan.

– Har det vore tilsvarande andre stadar i distriktet?

– Ja, i Arna helga før. Politiet har sendt ut informasjon om desse via ulike næringsforeiningar med lastebileigarar i kontaktnettet sitt.

Også lokalt meiner han folk kan hjelpa til.

– Vi ber publikum ha låg terskel for å tipsa om dei observerer uvanleg aktivitet rundt slike køyretøy spesielt og næringsområde generelt.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.