Innbrot og funn av narkotika

Laurdag i 11-tida oppsøkte politiet ei adresse nær Os sentrum.

– Her blei det funne både hasj og noko vi reknar med er amfetamin.

– Det var ikkje så store mengder, men det er oppretta sak og ein mann i 30-åra er sikta, fortel vakthavande politibetjent ved Os lensmannskontor.

Sikra spor i Strøno

I 18-tida i går var politiet i ein leilegheit i Strøno.

Nokon har tatt seg inn i husværet i løpet av den siste veka og stole alkohol.

– Vi fekk sikra ein del spor på staden, fortel politiet.

– Stupte i bakken

Politiet var til stades på den livlege og vellykka Torgfesten i går. Der skal alt ha gått bra for seg.

Vaktane på ein av utestadane fortel om ein som sto på utsida ut på natta, som brått stupte i bakken.

Politi og ambulanse kom til staden og mannen fekk hjelp av helsepersonell.