Politi | 31. mai 2023
Innbrot og skadeverk på båt og naust
Politiet har fått melding frå nausteigar i Vargavågen.
Kjetil Vasby Bruarøyonsdag 31. mai 2023 09:30
Tysdag i 11-tida var politiet kontakt med ein som meldte om innbrot og skadeverk på naust og båt i «Halhjemsområdet».
– Det skal vera i ytre del av Vargavågen, opplyser politioverbetjent Anne Lyssand.
Skadeverket besto av øydelagt lås i naustet. Bensin og bensinkanne er stole.
Politiet fekk også melding om innbrotet i pantebua på Kuventræ, som vi omtalte i går.
Der har nokon saga seg gjennom ein vegg og tatt med seg tomflasker spart opp i rundt to månadar, pant verdt rundt 2000 kroner.
