Karantene ved endå ein skule

Onsdag blei 27 elevar i 7. trinn på Søfteland barneskule sendt i karantene grunna to smitta elevar.

No fortel Bjørnafjorden kommune at også 27 elevar i 6. trinn ved Lunde barneskule må i karantene.

– Ein elev på 6. trinn har fått påvist covid-19. Til saman 27 elevar på klassetrinnet blir rekna som nærkontaktar, er i karantene og vil bli testa så snart som mogleg, opplyser kommunen.

Smittetilfellet har ikkje samanheng med gårsdagens smittetilfelle på Søfteland.

Karantenen gjeld berre nærkontaktar og ikkje deira husstandsmedlemmer. Unntaket er om eleven utviklar symptom, då skal òg resten av husstanden vera i karantene til testsvar er klart.