Karate-NM på heimebane
I morgon kan du sjå Åsmund Slettevold og seks andre frå Os kjempa om meistertittelen i eit rekordstort NM i Haukelandshallen.
Norges Kampsportforbund arrangerer i morgon, i samarbeid med Bjørgvin Karateklubb, NM i Haukelandshallen.
I fjor stilte Os Karateklubb med 10 utøvarar og tok 13 medaljar.
I morgon stiller Os med desse NM-deltakarane: Åsmund Slettevold, Vegard Gjøsund, Aner Palislamovic, Armin Palislamovic, Amanda Njøten, Ida Lund Bakke, Elena Andres og Tiril Haaland.
– Fleire av dei tidlegare noregsmeistrane våre, som Henrik Reed-Larsen, Erlend Slettevold, Tonje Hjelle og Benedicte Bjelland, trener framleis, men er av ulike årsaker dessverre ikkje med i år, seier sensei Cato Bruarøy.
Får truleg tung motstand
Landslagsutøvar Åsmund Slettevold, som i fjor tok ein sterk bronse i sitt første år som senior, prøvde før årets NM å gå ned frå -84 kg til -75 kg.
– Eg klarte det nesten, så i år blir det kamp mot tyngre motstandarar. Det blir spennande å sjå korleis det slår ut, seier Åsmund.
Allereie i første kamp får han truleg tung motstand.
– Tobias Opso gjekk tungvekt tidlegare, men han no gått ned i -84 kg. Eg har aldri gått mot han før, men han virka veldig god då vi sparra på landslagssamling.
Går Slettevold vidare til finale får han truleg Mikael Amroun på motsett side av matta. Også han er venta å gje osingen god motstand, om Åsmund når så langt i morgon ettermiddag.
– Kjekt med publikum
Årets NM er rekordstort med 644 påmeldte utøvarar frå 137 klubbar, noko som er ny rekord.
Karate er ein actionfylt og publikumvenleg sport.
Meisterskapen startar på åtte matter frå klokka 9, med dei yngste først på dagen, senior på ettermiddagen. Frå klokka 18 er det finalar på éi matte.
– Eg plar ikkje ha så mykje publikum, bortsett frå klubbkameratar, andre utøvarar og familie.
– I morgon er kjærasten min med og ser på, men det er kjekt om andre osingar også får med seg NM no når det er i Bergen, seier Åsmund.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.