Kasta fyrverkeri inn på buss
Ingen personar blei skadd av fyrverkeriet fredag, eller av trugande mann på utestad dagen etter.
Fredag i 20-tida fekk politiet melding frå ein bussjåfør om ungdomar som kasta fyrverkeri inn på bussen han køyrde.
– Det blei ikkje meldt om skade på verken buss eller folk, opplyser vakthavande ved Bjørnafjorden politistasjon.
Hendinga skjedde nord for Os sentrum. Politiet hadde ikkje patrulje ute på staden.
Laurdag i 19-tida fekk politiet melding om ei anna hending med ungdom involvert.
– Ungdom skal ha blitt treft av gelékuler. Gelékulene blei skotne av nokre gutar frå bil i fart.
Også denne hendinga var nord for Os sentrum.
Natt til søndag var det vaksne innbyggarar politiet fekk klage på.
Først var det ei kvine i 40-åra som var full og vanskeleg, og nekta å forlata ein utestad.
– Ho gjekk frivillig då patruljen kom til staden.
Så fekk politiet melding om ein mann i 50-åra med trugande åtferd, rusa og kranglete.
– Han blei vist vekk av politet.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.