Måndag første juledag, litt før klokka 22, blei ein hjort påkøyrd på Ulvenvegen, i eine enden av Ulvensletta.
– Det såg ut som om bilen hadde retning frå Kolskogen mot Skeie, men den sto i motsett side av køyrebanen, fortel vitne som køyrde forbi.
Fleire hadde stoppa for å hjelpa til.
Hjorten låg igjen i vegen.
Det er uvisst om personar blei skadd i samanstøyten, vi har foreløpig ikkje fått tak i politiet for kommentar.
På dagtid måndag, i 13.20-tida, stilte politiet i Byvegen og Holtbrekka med tre patruljar, inkludert innsatsleiar frå Bergen.
Ambulanse var òg på staden.
– Ein patrulje skulle kontrollera ein kar, og ville ha forsterkingar. Det viste seg å ikkje vera naudsynt. Ambulansen var ikkje relatert til vårt oppdrag, seier innsatsleiar Ole Marius Røttingen.
