Kollisjon ved vegsperring
For andre gong i sommar har det skjedd eit uhell i samband med sperring av E39.
Klokka 00.13 natt til måndag var det eit trafikkuhell på E39 Halhjemsvegen på Moberg.
– Ein bil køyrde inn i ein bil som sto i ro i samband med vegarbeid, opplyser Vest politidistrikt på Twitter.
Politi og ambulanse rykte ut. Airbag var utløyst. Det blir oppretta sak.
– Ein bil køyrde inn i sida på ein annan bil, som sto i ro. Bilførar, ein mann i 20-åra, fortel at han hadde dårleg sikt, og innrømmer skyld, fortel politioverbetjent Christine Grindstein.
Det er tatt beslag i førarkortet.
Dette er andre gong i sommar at det skjer eit trafikkuhell i samband med sperring av E39 mellom Moberg og Kolskogen.
Sist var i midten av juni, då køyrde ein bil inn i vegsperringa, også det på Moberg.
