Køyrde i sperring på E39

Torsdag kveld og natt til fredag var E39 stengt frå Moberg til Svegatjørn grunna arbeid på Mobergsbrua, som i førre veke viste seg å ha vore ei skadd ei stund.

– Klokka 21.51 fekk vi melding om at ein bil hadde køyrd i sperringane ved Liafjellstunnelen på Moberg, fortel politioverbetjent Anne Lyssand.

Bilisten, ein mann i starten på 30-åra, skal ha meldt ifrå sjølv. Det blei tatt avhøyr, men ingen førarkortbeslag.

Ein patrulje køyrde ut (på nabotomta til lensmannskontoret) og sette opp fleire markørar for å visa sperringa betre.

Mistenkt for rus - gjekk tom for bensin på Mobergsbrua

Dette var ikkje første utrykking til E39 i går.

– På dagtid, rundt klokka 14.20, fekk vi tips om at ein vaksen mann, som såg ut til å vera rusa, sette seg på ein moped og køyrde.

På Mobergsbrua møtte dei mannen på moped. Han hadde stoppa, og forklarte at han var tom for bensin.

Politiet tok mannen, som er i slutten av 30-åra, med for blodprøvetaking. Det blei tatt beslag i førarkortet, noko han ikkje samtykka i.

Køyrde aggressivt og viste finger

På dagtid torsdag, i 12.30-tida, fekk politiet melding frå ein bilist som køyrde i Lysefjorden ein stad.

Vedkomande, ein dame i 30-åra, fortalte om ein mc-førar som køyrde svært aggresivt.

– Han køyrde forbi bilen hennar på ein uoversikteleg plass, og viste finger i det han køyrde forbi.

Bilisten fekk tatt registreringsnummer på motorsykkelen, og politiet vil kontakta eigar i dag.

Måtte vika for møtande bil - hamna i grøfta

Ei anna dame i 30-åra som køyrde bil i Lysefjorden i går, hamna i grøfta etter møte med ein bil.

– Ein varebil eller kassabil kom imot, og ho svingte for langt til sida for å unngå samanstøyt.

– Den andre bilen køyrde berre vidare. Men det er ikkje sikkert vedkomande registrerte at den andre bilen fekk problem, seier Lyssand.