Fotball | 02. juli 2020

Korcsmár har signert med Os

– Kan bli ein ressurs på fleire måtar.

Korcsmár har signert med Os
Zsolt Korcsmár vil slå seg ned på Os. No har han signert med Os Fotball. (Privat foto)
Kjetil Vasby Bruarøy
Kjetil Vasby Bruarøytorsdag 02. juli 2020 13:51

Tidlegare Brann-spelar Zsolt Korcsmár (31) signerte kontrakt med Os Fotball i dag.

– Det tidlegaste han kan bli speleklar er i september, seier hovudtrenar Endre Brenne og den 1,89 meter høge midtstopparen.

Korcsmár opererte ein kneskade i april.

– Uavhengig av kor tid han blir speleklar, trur eg vi kan ha god nytte av han i tida framover. Korcsmár har vore med meg på feltet ei stund no, og har vist seg som ein type som passar godt inn, og som har mykje å koma med.

– Han blir del av trenarapparatet, og skal i tillegg bidra på FFO frå hausten og ta trenarkurs til vinteren. Korcsmár har tatt ferje frå Fusa fem dagar i veka for å bidra, og er ein god sparringspartnar innan både strategi og trening.

Korcsmár har foreløpig signert proffkontrakt ut året med Os.

– Noko eg kan vera ein del av

– Eg veit ikkje om eg blir bra igjen, eller kor tid eg eventuelt kan trena eller spela kamp. Men eg har vore på Kuventræ nokre gongar no, for å gjera meg kjent med klubben, og eg har fått eit godt førsteinntrykk, sa den ungarske midtstopparen til Midtsiden i starten på juni.

– Om alt går bra er dette noko eg kan vera ein del av.

Han kom i vår frå den danske toppklubben FC Midtjylland til Bjørnafjorden kommune med familien.

Korcsmár kjem frå Ungarn, der han spelte på midtbanen for aldersbestemte landslag, var kaptein på U21 og med på å vinna bronse for U20-landslaget i VM i 2009.

Han kom til SK Brann etter treningsleir på Kanariøyane vinteren 2010, spelte 28 av Brann sine 30 kampar i 2011. Då blei han sett på som ein av dei beste stopparane i Tippeligaen i 2011.

Etter SK Brann har han spelt for tyske Greuther Fürth og Újpest FC og Vasas FC i heimlandet Ungarn før han gjekk til den danske toppklubben FC Midtjylland.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.