Fritid | 14. aug. 2022

Kunnskap og kos på Ramsholmen

Ein fullsett friluftsskule med nøgde elevar.

Os Padleklubb var blant «gjesteforelesarane» på friluftsskulen i år. (Foto: Os Røde Kors)
Kjetil Vasby Bruarøy
Kjetil Vasby Bruarøysøndag 14. aug. 2022 07:19

Den siste veka av skuleferien var det tid for årets friluftsskule på Ramsholmen.

Frå måndag til torsdag har 24 ungar i alderen 10 til 13 år fått delta i ei rekkje aktivitetar.

– Friluftsskulen blei akkurat fullteikna, heldigvis utan at nokon blei ståande skuffa på venteliste, seier Anne Mari Berge.

Leiar i Os Røde Kors, Anne Mari Berge, var årets rektor på friluftsskulen. (Foto: Os Røde Kors)

Ho er leiar for Os Røde Kors og var årets rektor ved skulen, som er eit samarbeid mellom Os Røde Kors, Os Rotary klubb og støttespelar Bergen og Omland Friluftsråd (BOF).

– BOD sponsar, så prisen blei berre 300 kroner per deltakar. Det inkluderte fleire måltir, fortel Berge.

Frå henting på Halhjem klokka 09 til retur klokka 15.30 har elevane hatt innhaldsrike, lærerike og actionprega dagar.

I pensum sto kurs i livredning, førstehjelp, kart, kompass, padling, roing, fiske, matlaging og oppsett av lavvo og telt.

Bildeserie:

Årets kull. (Foto: Os Røde Kors)
«Skulebussen» har kort veg frå Halhjem til Ramsholmen. (Foto: Os Røde Kors)
Os Rotary klubb sitt anlegg på Ramsholmen. (Foto: Kjetil Vasby Bruarøy)
Den oppblåsbare trampolina er alltid populær. (Foto: Os Røde Kors)
Opplæring i førstehjelp høyrer med. (Foto: Os Røde Kors)
Det blei både teori og praksis. (Foto: Os Røde Kors)
Os Orienteringsklubb var bidragsytar fleire dagar. (Foto: Os Røde Kors)
Den eine dagen måtte elevane jobba seg gjennom skogen og fram til Kalneset. (Foto: Os Røde Kors)
SUP var også populær aktivitet. (Foto: Os Røde Kors)
Os Padleklubb var gjeste-kurshaldar på friluftsskulen. (Foto: Os Røde Kors)
Aktive og koselege dagar. (Foto: Os Røde Kors)
Låg pris og god mat. (Foto: Os Røde Kors)
Torsdag var den nye Røde Kors-båten innom. (Foto: Os Røde Kors)
Redning i sjø. (Foto: Os Røde Kors)
Velfortent diplom. (Foto: Os Røde Kors)
Årets kull. (Foto: Os Røde Kors)
«Skulebussen» har kort veg frå Halhjem til Ramsholmen. (Foto: Os Røde Kors)
1 av 15
«Skulebussen» har kort veg frå Halhjem til Ramsholmen. (Foto: Os Røde Kors)
Os Rotary klubb sitt anlegg på Ramsholmen. (Foto: Kjetil Vasby Bruarøy)
Den oppblåsbare trampolina er alltid populær. (Foto: Os Røde Kors)
Opplæring i førstehjelp høyrer med. (Foto: Os Røde Kors)
Det blei både teori og praksis. (Foto: Os Røde Kors)
Os Orienteringsklubb var bidragsytar fleire dagar. (Foto: Os Røde Kors)
Den eine dagen måtte elevane jobba seg gjennom skogen og fram til Kalneset. (Foto: Os Røde Kors)
SUP var også populær aktivitet. (Foto: Os Røde Kors)
Os Padleklubb var gjeste-kurshaldar på friluftsskulen. (Foto: Os Røde Kors)
Aktive og koselege dagar. (Foto: Os Røde Kors)
Låg pris og god mat. (Foto: Os Røde Kors)
Torsdag var den nye Røde Kors-båten innom. (Foto: Os Røde Kors)
Redning i sjø. (Foto: Os Røde Kors)
Velfortent diplom. (Foto: Os Røde Kors)
Årets kull. (Foto: Os Røde Kors)

– I tillegg har vi hatt besøk av Os Padleklubb den eine dagen. Der fekk elevane verkeleg lært å bli trygge både på padling og redning, og blei så trygge og balanserte at dei kunne gå frå kajakk til kajakk.

Skulen hadde også Os Orienteringsklubb som gjesteforelesar.

– Dei var der fleire dagar og undervise i bruk av kart og kompass, både i teori og praksis. Den eine dagen blei elevane sette i land ein stad på Innerøya og måtte orientera seg frå post til post til friluftsområdet Kalneset på same øy. Så var vi på Kalneset resten av dagen, der ungane fekk bada, stå på SUP og testa stupebretta.

Siste dag kom den nye Røde Kors-båten på besøk. Då fekk elevane både omvising om bord, testa sløkkeutstyret og sjå demonstarsjon av redning i sjø.

– Nokre av elevane har vore fleire gongar, og er neste år får gamle til å delta. Andre var heilt nye.

– Fleire av elevane sa at dei ikkje ville heim igjen på ettermiddagen, for dei hadde det så gøy. Nokre sa òg at dei skulle ønskt at dette var fleire dagar, og at lærarane på skulen var like kule som dei på friluftsskulen. Det varma sjølvsagt hjartet på oss arrangørar, seier friluftsrektor Anne Mari Berge.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.