Arbeidet med bygging av parkeringshus i Os sentrum går for fullt, også no i juli.
Parkeringshuset får 154 parkeringsplassar i underetasjen og kunstgrasbane (9-arbane) på taket. I tillegg kjem rundt 30 parkeringsplassar på øvre dekke.
Etter planen skal parkeringshuset stå ferdig i oktober. Om det skal kosta noko å parkera der, eller andre stadar i Os sentrum, er framleis uvisst.
Namnet på parkeringshuset er heller ikkje bestemt.
– Kva skal bygget heita, spør kultursjef Erik Vangsnes.
Han ramsar opp fleire geografiske og historiske faktorar som kan brukast som del av namnet;
– Bygget blir liggande på det som tidlegare var innmarka på Os prestegard og som i seinare år har vore grusbanen ved Os ungdomsskule. Kanskje namnet difor skal vera Os parkeringshus?
– Næraste nabo er Minneparken som ligg på Giskavollen. Giskavollen er òg namnet på vegen parkeringhuset skal ligga til.
– På andre sida av anlegget mot aust går vegen som heiter Landboden. Anlegget ligg samstundes på Osøyro – her er det med andre ord mange namnealternativ.
Vangsnes seier kommunen ønskjer kommentar til forslaga over - og tar gjerne imot andre namneforslag.
- Desse kan du senda til kommunen via facebook eller til post@bjornafjorden.
- Frist er søndag 15. august.
