La igjen «Mastercardet» sitt på Lysøen

– Blir det behov for meir pengar, så skal det koma meir pengar, lovde kulturminister Abid Raja.

Trine Lindborg og Abid Raja var nøgd med både båt og kaka. (Foto: Ørjan Håland)
Ørjan Håland
Ørjan Hålandtirsdag 25. mai 2021 14:58 - Sist oppdatert 25. mai 2021

Kulturminister Abid Raja (V) var i dag på Lysøen for å døypa villaen si nye ferje, elbåten «Ole Bull».

I same slengen tok han seg tid til å seia nokre velvalde ord, men kom også med nokre ferske lovnader.

– Vi skal ivareta arva etter Ole Bull for alle generasjonar som kjem etter oss.

– Eg er utruleg glad for å vera i regjeringa som har klart å finna midler til dette prosjektet. Og blir det behov for meir, så skal vi stilla opp med meir, sa Raja, til stor begeistring frå blant anna direktør i KODE, Petter Snare.

Abid Raja trivst i fokus og med stor lommebok. (Foto: ØH)

Ei ny oppleving

– Eg har vel aldri før opplevd å fått innvilga meir pengestøtte under ein tale, men det var veldig hyggeleg og veldig tydeleg, seier Snare.

Ordførar i Bjørnafjorden kommune, Trine Lindborg (Ap), fekk også med seg den glade bodskapen til Raja.

– Ja, her var det ikkje rom for å misforstå noko som helst. Det skal bli utruleg godt å få koma i gang med dette omfattande prosjektet.

Petter Snare og Abid Raja har fått ein fin tone og skryt av samarbeidet. (Foto: ØH)

Utelukkar ikkje auka kostnadar

Direktør for KODE, Petter Snare, gler seg over at arbeidet på Lysøen kjem i gang allereie i juli.

– Dette blir nok eit krevjande prosjekt kor det sjølvsagt kan dukka opp ting undervegs. Vi veit aldri kva som kan dukka opp, om det er uleste brev og dokument, så vil dette bli veldig spennande.

– Vi kjem til å setja opp eit midlertidig bygg ved sida av villaen, kor vi kan driva med skadedyrkontroll. Det er mange gjenstandar som må gjennom ulike prosessar for å bli ivaretekne.

Direktøren erkjenner også at mykje er usikkert, så prosessen kan krevja meir tid og meir kapital.

– Vi har i utgangspunktet sagt at dette vil ta to år. Men vi veit aldri, det kan ta lengre tid og det kan sjølvsagt dukka opp ting som gjer at dette kan påverka kostnadane også.

Med ny heilelektrisk båt og full oppussing av Lysøen, vil det bli kjekt for dei besøkande. (Foto: ØH)

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.