Tysdag kveld blei det gjennomført fartskontroll på E39 Halhjemsvegen.
Fem bilistar vedtok forelegg frå utrykningspolitiet.
Høgast fart var målt til 93 km/t i 70-sona, noko som resulterte i 7000 kroner i forelegg og til tre prikkar på førarkortet.
Køyrde for tett
Ein bilførar blei stansa på Halhjemvegen på grunn av for kort avstand til bilen framfor seg.
– Føraren vedtok eit forelegg på 7450 kroner og tre prikker på førerkortet, seier politioverbetjent Atle Birkeland.
Stoppa i 60-sona
Det blei også gjennomført fartskontroll ved Byvegen tysdag kveld.
Ein bilist køyrde i 71 km/t i 60-sona og fekk eit forelegg på 4150 kroner og to prikkar på førarkortet.
Påkøyrd rev
Seint tysdag kveld fekk politiet melding om ein påkøyrd rev i Strønevegen.
Viltkontakt blei varsla.
