Lite tull på glatten

Bildeserie:

1 av 7

Torsdag morgon var det snø på Møsnuken og meldingar om meir nedbør utover formiddagen, og frå torsdag kveld.

Yr meldte regn, Storm meldte snø - og Storm fekk rett.

Først kom det nokre flak på formiddagen, nok til at det la seg på taket på rådhuset, og frå 21-tida til fredag morgon har det snødd og sludda i Os.

Bossbil sto fast

– Den einaste meldinga vi har fått om trafikken er at ein bossbil sto fast i Kolabakken fredag morgon, fortel politibetjent Kenneth Rastad.

Føraren hekta på kjettingar og kom seg frå staden.

– Alle som har sommardekk bør la bilen stå i dag. Det er ganske glatt fleire stadar, åtvarar politiet.

Eit (Osa)blodslit?

Om det er nokon som er kritisk til kommuen si brøyting så skal dei veta at til og med folk frå kultureininga i dag er i sving.

Utanfor Allaktivitetshuset og brannstasjonen såg vi Kjetil Osablod Grønvigh i sving med moka.

– Det kjem sikkert til å regna vekk, men det er like greit å ta det med ein gong, seier Osablod.

Sol fredag og laurdag - snø søndag kveld

Det er meldt minusgradar kvar natt fram til tysdag. Sjå vêrmelding for Osøyro på Storm.no.

Men det skal vera lettskya og opphaldsvêr utover fredagen, nesten skyfri himmel laurdag og overskya, men opphaldsvêr søndag fram til kvelden.

Litt trøbbel i by'n

No går det i brøyting og salting på vegane - og i dekkskifte hos dei som ikkje tok åtvaringane i media tidlegare i veka på alvor.

I Bergen har det også vore lite tull i trafikken, men BT.no fortel om enkelte tilfelle av trafikkuhell på Vestlandet.