Lysekloster styrkar stallen vidare

I førre veke fortalte Lysekloster om to nysignerte spelarar; Alexander Dang og Marceli Wawrzyniewicz, som begge spelte på Øygarden før klubben gjekk konkurs.

No har dei signert endå ein spelar frå restane etter Øygarden.

Nicholas Marthinussen signerte torsdag kontrakt ut 2023-sesongen.

Marthinussen er 22 år, men har allereie ein del erfaring frå høgare nivå. Han vaks opp i Brann, har fem kampar for G18-landslaget, fekk eit innhopp i Eliteserien for Brann som 19-åring i 2019, og gjekk same år til Sotra, der han i 2020 spelte 13 kampar.

I 2020 fekk han 13 kampar for Notodden, i 2021 spelte han 14 i Øygarden. Han spelte også dei 7 kampane Øygarden hadde i vår.

Lysekloster ligg på 2. plass på tabellen.

Neste kamp går borte mot Fana på 4. plass førstkomande laurdag.