Festivalar | 28. des. 2021

Med fem slepp før jul

– Ja, det er spesielt éin artist frå 2019-programmet folk spør etter.

Med fem slepp før jul
Hagle byr på rap frå Indre Østfold neste sommar. (Pressefoto)
Kjetil Vasby Bruarøy
Kjetil Vasby Bruarøytirsdag 28. des. 2021 20:40

På åtte dagar før jul kom Tysnesfest med fem nye namn til plakaten for 2022.

Chris Holsten, Hagle, Halva Priset, Kjartan Lauritzen, Plumbo og Soppgirobygget kjem til Gjerstad Arena neste år.

Frå før er CC Cowboys, Staysman, Synne Vo og TIX booka.

– Av desse ni er det berre Staysman, CC Cowboys og Kjartan Lauritzen som har spelt på Tysnesfest før.

– I tillegg kjem Synne Vo, som spelte under Tysnesfest-isj i sommar, men som ikkje har fått kjenna på Tysnesfest i full skala, seier dagleg leiar Øystein Vaage.

TIX og CC Cowboys har rett nok stått på plakaten til både 2020 og 2021, men går først i 2022 i land for første gong.

På 2019-plakaten sto også Jason Derulo, Village People, Highasakite, Hellbillies, CC Cowboys og Hjerteslag.

– Det går ikkje automatikk i at 2019-artistane kjem i 2022, men enkelte av dei har vore ekstra etterspurd, seier Øystein.

Han nemner dei internasjonale stjernene Jason Derulo og Village People som eksempel.

– Hadde ikkje festivalen blitt stoppa av pandemi i 2020 så ville Jason Derulo vore ei enorm booking, ikkje berre for oss, men i riksdekkande målestokk.

– Han var litt i dvale då vi booka han, men frå vinteren til sommaren trenda han noko enormt på Tiktok, og prisen for å få han på scenen no er sikkert tredobla.

– Korleis er billettsalet?

– Det var veldig bra i haust, men vi merker at det er litt rolegare når smittetal og restriksjonar går opp. Men mange kjøpte festivalpass før jul, truleg i gåve.

– Og vi ligg langt framfor normalen når det kjem til bestilt båtplass i hamna, rundt 50 av 300 plassar er tatt, mot normalt 5-10 på denne tida.

Her er litt om dei fem ferskaste artistsleppa:

Soppgirobygget

Soppgirobygget har i fleire år vore med på å prega norske topplister med låtar som «Afterski», «Dommedagen» og «Øl, Øl og mere Øl»

Duoen som har gjort heile karrieren sin inkognito, har millionar av streams på Spotify og byr alltid på eit rått show når dei står på scena.

Torsdag 7. juli 2022 kjem dei til Tysnes med bagasjerommet fullt av hits, fest, pyro og trøkk!

Soppgirobygget. (Pressefoto)
Soppgirobygget. (Pressefoto)

Plumbo

Plumbo (bandet altså) har eksistert sidan 2002, men det var med låten «Møkkamann» dei verkeleg slo gjennom.

Låten som blei kåra til «Årets Låt» under Spellemann i 2011 har heile 25 millionar streams berre på Spotify aleine.

Plumbo har vore ein del av festkulturen i Norge i mange år, men dei er og eit av veldig få norske band som ikkje har spelt på Tysnesfest enda. Det er på tide å gjera noko med det, så til sommaren kjem dei til Tysnes for å dra i gang torsdagskvelden!

Plumbo. (Pressefoto)
Plumbo. (Pressefoto)

Hagle

Country-rap bandet Hagle kom som eit skot ut av Indre Østfold på tampen av 2020 og fortsatte signingsferda gjennom Norge i 2021!

Dei legg seg ikkje på latsida, og planlegg store ting for festivalsommaren 2022.

Låtane handlar om rånemiljø og bygdakultur der dei vaks opp, så dei burde passa perfekt inn på Tysnesfest og. Den unike miksen av banjo, fele, trekkspel og rap har blitt omfavna av heile landet og alle bandets singlar har toppa listene på Spotify.

Dette er musikk for deg med veteranbil med stort anlegg, og som heller går i klogger heller enn sneakers, og set allsong i framsetet. Eller for deg som har ein indre rånar som aldri kom heilt ut.

Hagle. (Pressefoto)
Hagle. (Pressefoto)

Chris Holsten

Etter å ha sunge utelukkande på engelsk tidlegare har Christ Holsten det siste året toppa lister og erobra det norske publikummet med sine norskspråklege låtar.

Titlar som «Hvis verden», «Bare når det regner» og «Smilet i ditt eget speil» har herja listene gjennom året, og til våren slepp han del 2 av albummet «Bak en fasade».

– At Chris vann «Årets låt» og «Årets artist» på P3 Gull vitnar på ein veldig tydeleg måte om kor stor innverknad han har hatt på musikkåret 2021. Du kan ikkje ha hørt mykje på radio i år viss du ikkje har fått med deg «Smilet i ditt eget speil» for eksempel.

– Me set utruleg stor pris på at han tek turen til Tysnes til sommaren, og gler oss til fleire låtar som kjem ut i del to av hans nye album.

Chris Holsten (Foto: Emma Sukalic)
Chris Holsten (Foto: Emma Sukalic)

Kjartan Lauritzen

Per Áki Sigurdsson Kvikne, betre kjent som Kjartan Lauritzen - den humoristiske rapparen frå Balestrand – slapp tidlegare i vår sitt fyrste utgiving på meir enn to år.

Albumet som han har jobba med i over to år, handlar i stor grad om korleis Per har blitt påvirka av karakteren Kjartan Lauritzen, på godt og vondt.

– Kjartan Lauritzen har opptredd på Gjerstad to gongar før, og det har alltid tatt heilt av under konsertane hans. Me gler oss enormt til å introdusera den heilt nye religionen «Kjartanisme» for publikummet vårt under Tysnesfest 2022! Denne gong tek han og med seg litt special guests på scenen, som blir ei kjekk overrasking for publikum!

Kjartan Lauritzen. (Pressefoto)
Kjartan Lauritzen. (Pressefoto)

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.