Vêret i Os | 05. juni 2022
Melder to dagar med over 20 gradar
Utgangen av pinsehelga blir ekstra varm.
Kjetil Vasby Bruarøysundag 05. juni 2022 07:53
Det låg an til å bli lettskya, men berre 13 til 15 gradar gjennom pinsehelga.
No har meteorologane funne fram fleire varmegradar.
Søndag starta overskya, men det letta utover morgonen og skal bli skyfritt i kveld.
Temperaturen er venta å koma opp i 17 gradar. Vinden frå nord skal opp i nesten 7 m/s på det sterkaste mellom klokka 16 og 18 i ettermiddag.
Måndag 2. pinsedag er det meldt svakare vind og høgare temperatur. Storm melder rett nok berre 14-15 gradar, men Yr melder 21 varmegradar måndag og 22 gradar tysdag.
Det er meldt lettskya og opphaldsvêr til og med torsdag, og rundt 15-16 gradar frå onsdag og ut veka.
Neste helg er det, førebels på langtidsvarselet, meldt 13 gradar og regn.
- Sjå detaljert vêrmelding for Osøyro på VG Pent.
