Politi | 09. okt. 2023

Mistenkt stoppa etter tips om køyring i rus

Rykte ut til Nore Neset natt til søndag.

Mistenkt stoppa etter tips om køyring i rus
Kjetil Vasby Bruarøy
Kjetil Vasby Bruarøymåndag 09. okt. 2023 09:25

I 03-tida natt til søndag fekk politiet melding om ein rusa bilførar i Hagavik-området.

Ein patrulje rykte ut og fekk kontakt med ein mann i 20-åra, som er mistenkt for å ha køyrd i påverka tilstand.

– Det blei tatt beslag i førarkortet og oppretta sak, opplyser vakthavande ved Bjørnafjorden politistasjon.

UP har hatt to kontrollar i Os i helga.

Laurdag i 18-tida var det fartskontroll på E39 Halhjemsvegen på vekta.

– Det blei skrive ut 11 forenkla forelegg. Høgaste målte fart var 87 km/t i 70-sona.

Det fører til 6700 kroner i forelegg og to prikkar på førarkortet.

I 22-tida stilte UP seg opp i Os sentrum for å ha promillekontroll. 24 trafikantar blei kontrollert utan at det førte til nokon reaksjon.

Tidlegare laurdag, i 16-tida, fekk politiet melding om ein bil som hadde køyrd inn i ein fortauskant i Byvegen nær Os sentrum.

– Bilførar er ein mann i 70-åra. Det blei ikkje oppretta sak, men politiet dirigerte trafikken på staden.

Laurdag i 23.tida fekk politi og brannvesen melding om at nokon hadde kasta fyrverkeri i ein Fretex-konteinar.

– Det var røyk frå konteinaren då patrulje kom til staden, men brannvesenet fylte den med vatn så brannen blei sløkt.

– Vi har foreløpig ikkje informasjon om moglege gjerningspersonar, men vil følgja opp saka i det forebyggande sporet.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.