Næringsliv | 23. nov. 2021

Morgonfugl klar for å opna matvogna

Lunsj-Ekspressen har første dag i drift denne veka.

Morgonfugl klar for å opna matvogna
Lukasz Brekke framfor nydekorert vogn, førebels på midlertidig plassering i Kolskogheiane. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytysdag 23. nov. 2021 15:45

I september viste kokken Lukasz Brekke fram den nyinnkjøpte foodtrucken sin, no er matvogna nymalt og ferdig utrusta.

– Eg har fått testa den nokre gongar, blant anna då Os Caravan & Fritid opna ny butikk. No er også alle papir på plass, fortel Lukasz.

Torsdag blir første dag i drift. Trass namnet, siktar han seg også inn på frukostmarknaden.

– Eg kjem til å opna klokka 06. Då er fleire på veg til jobb eller ut i felten, kanskje vil dei ha noko raskt, men smakfullt å eta.

Lukasz har fleire hjelparar, blant anna Jørgen og dottera Mille Marina, her under Os Caravan & Fritid si opningshelg. (Foto: KVB)
Lukasz har fleire hjelparar, blant anna Jørgen og dottera Mille Marina, her under Os Caravan & Fritid si opningshelg. (Foto: KVB)

Brekke fortel om stor interesse for tilbodet, og nokre firma som har kontakta han.

– Planen er at eg også skal retta meg mot bedriftsmarknaden. Ved eit visst volum kan dei få maten levert, anten det er frukost eller lunsj.

Førebels står Lunsj-Ekspressen på midlertidig tomt litt over Røde Kors-bygget, der dei søker om å få ei meir permanent plassering.

Målet er at matvogna seinare skal stå her, nærmare Røde Kors-huset. (Foto: KVB)
Målet er at matvogna seinare skal stå her, nærmare Røde Kors-huset. (Foto: KVB)

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.