Vêret i Os | 29. jan. 2023

Mykje nedbør og fare for lyn

Rundt midnatt kan det braka laus.

Mykje nedbør og fare for lyn
Landboden, nedre del av Oselvo, nett no. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysundag 29. jan. 2023 14:29

Det var meldt opptil 90 mm nedbør på 12 timar i Sogn til i dag, men også i bergensområdet og Os er det mykje nedbør.

Både BA og BT fortrel om problem med overvatn fleire stadar i Bergen, blant anna på Skansen.

Så langt har nedbørsmengdene ikkje skapt så store utfordringar i Os.

– Ole Bulls veg er stengt grunna rasfare, og det er generelt mykje overvatn rundtom. Men foreløpig kjenner vi ikkje til spesielle utfordringar, opplyser teknisk vakt i Bjørnafjorden kommune.

– Men vi fekk nett melding om mykje vatn i fylkesvegen når Strøno barneskule, legg dei til kort tid seinare.

Brannvesenet har ikkje fått inn mange meldingar, men skal snart ut og sjekka ein båt.

Det kan bli opphaldsvêr nokre timar i ettermiddag, men så skal det regna gjennom natta òg.

Storm melder også lyn rundt midnatt eller noko seinare.

Det skal bli noko kaldare i natt, frå 8 plussgradar dagtid søndag til knappe 3 gradar og fare for sludd natt til måndag.

Det er også meldt nedbør måndag, men opphald frå ettermiddagen.

Også tysdag skal bli våt.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.