– Vi har budd her i over 40 år, og aldri opplevd liknande

Baronselva kom inn i hagen og kjellaren til familien Walle.

Baronselva rann i går inn i hagen og ned i kjellaren til familien Walle. (Foto: KVB)
Ørjan Håland
Ørjan Hålandtirsdag 11. feb. 2020 11:01

Bildeserie:

Baronselva var nesten til kanten inn mot torget. (Foto: KVB)
(Foto: ØH)
(Foto: ØH)
(Foto: ØH)
(Foto: ØH)
Sånn såg hagen deira ut i natt. (Foto: KVB)
Baronselva var nesten til kanten inn mot torget. (Foto: KVB)
(Foto: ØH)
1 av 6
(Foto: ØH)
(Foto: ØH)
(Foto: ØH)
(Foto: ØH)
Sånn såg hagen deira ut i natt. (Foto: KVB)
Baronselva var nesten til kanten inn mot torget. (Foto: KVB)

Då høg elv møtte ekstremflo i Os sentrum måndag kveld, gjekk sideelva Baronselva utover breiddene sine.

Vatnet rann inn i den velpleidde hagen til familien Walle, som òg fekk vatn i kjellaren på huset sitt.

– Situasjonen til huset er bra, det er sett på avfuktarar og ting er under kontroll. No skal dette få stå å jobba, så kjem det ein fuktteknikar på torsdag for å måla og for å ta ein ny vurdering på eventuelle vidare tiltak, seier Eirik Ødegaard frå Polygon avdeling Bergen.

Arbeidet med å berga verdiar er i gang. (Foto: ØH)

Sett vekk frå enkelte skadde gjenstandar skal skadene ikkje vera så alvorlege.

– Det vart jo ein del klede og nokre garderobeskap som fekk unngjelda litt og så kan det vera at vaskemaskinen blant anna fikk i seg litt vann, seier Sølvi Walle.

Det gjekk heldigvis bra. (Foto: ØH)

– Aldri opplevd liknande

Gårsdagens vasstand viser seg å vera ny rekord for Sølvi og mannen Otto, som har bodd i huset sidan 1976.

– Det har vore flaum her tidlegare, men aldri så mykje som i går. Før har vi hatt vatn i eit par rom, men denne gongen vart det vatn i alle romma, seier Sølvi fortvila.

Ekteparet prøvde å førebu seg til flaumen i natt, men det var ikkje lett å veta kor mykje vatn som kom.

– Vi tok jo vekk alt av tepper og andre ting frå golvet, og så tok vi klossar under føtene til sofaer og bord. Men dei fem sentimeterene vi bygde opp vart nok ti sentimeter for lite, seier Sølvi.

– I tillegg så har det jo blitt ropt «ulv, ulv» tidlegare, så vi visste ikkje kva vi kunne venta oss denne gong.

Fleire bilde under - synleg for pålogga abonnentar:

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.