Myrlid på lån til OBOS-klubb

Elias Heggland Myrlid frå Os er lånt ut frå SK Brann til Kristiansund BK.

Det betyr at osingen tar nok eit steg opp, frå 2. divisjon etter opprykket med Brann 2 i haust til OBOS-ligaen på lån.

– Han er ein spennande spelar som vi kjenner litt til frå før. Han har vist at han kan skåra mange mål, seier sportslig leiar Eirik Hoseth i KBK ifølgje klubben si heimeside.

Myrlid har skåra 37 mål på 38 kampar for Brann 2 frå 2021 til no i 2023.

– Dette er ein fin sjanse for Elias til å halda fram utviklinga si på, vi er sikre på at dette vil vera bra for han, seier sportsleg leiar i Brann, Jimmi Nagel Jacobsen.

Kristiansund hentar Myrlid grunna mange skadar i eiga angrepsrekke.

Kristiansund kom på 6. plass i fjoråret sesong i OBOS-ligaen, men har til no i år tatt berre tre poeng på tre kampar.

Utlånsavtalen gjeld i utgangspunktet til neste landslagspause, som er i juni.

Også osingen Vegard Leikvoll Moberg speler i OBOS-ligaen, for Kongsvinger. Kristiansund slo Kongsvinger 2-0 i førre runde, og om ikkje lån av Myrlid varer lengre enn til juni, vil dei to osingane ikkje møtast i kamp i denne omgang.

Neste kamp for Kristiansund går borte mot Mjøndalen laurdag. Mjøndalen har tatt berre eitt poeng på dei tre første kampane.

• Terminliste og tabell på fotball.no