Nekta å fjerna seg frå to ulike stadar i Os

Måndag klokka 10.58 fekk politiet melding om ein mann som oppførte seg trugande i ein butikk i Os sentrum.

– Vedkomande hadde blitt vist vekk grunna framferda si, men nekta å gå og kom med trugslar, fortel politioverbetjent Anne Lyssande.

Mannen, som er i 30-åra, blei vist vekk av politiet. Ein liten time seinare kom det melding om at mannen hadde oppsøkt ein bufellesskap der han ikkje fekk koma inn.

Han nekta å å gå frå staden, og retta seg i starten heller ikkje etter pålegg frå politiet, noko han ermeldt for. Etter ei stund fekk han nok eit pålegg om å fjerna seg, og gjekk frå staden.

Tatt med tjuvgods på AMFI Os

Etter nok ein time, klokka 12.53, kom det melding om tjuveri frå ein butikk på AMFi Os.

– Ein mann i 40-åra blei tatt med nokre varer han ikkje hadde betalt for. Patruljen tok frå han varene og oppretta sak.

– Mens dei var på staden undersøkte dei ein mann i 30-åra. Det blei funne mindre mengder narkotika på vedkomande.