Lokal | 25. feb. 2015

«Nina» varer heilt til påske

BKK ser tilbake på «Nina» sine herjingar i Os og har framleis 30 reparasjonsjobbar i kommunen. – Vi håper å bli ferdig til påske, seier Tuvin.

Fleire plassar står det framleis knekte stolpar på bakken etter orkanen «Nina». Kartet viser rundt 30 registrerte reparasjonsjobbar for BKK Nett AS. (Kart: BKK Nett)
Kjetil Vasby Bruarøy
Kjetil Vasby Bruarøyonsdag 25. feb. 2015 09:02

Laurdag 10. januar kom orkanen «Nina» inn over Vestlandet. Det blei ei helg med mange straumbrot, stengte vegar og store øydeleggingar.

I Os blei ein carport slengt gjennom taket på eit huspå Tøsdal, ei campingvogn blei snudd opp-ned på Moberg, ein silo velta på Hauge, ei hytte bles på sjøen i Nordstrøno og fleire seglbåtar gjekk ned i eit bryggeanlegg i Askvik.

Sjå bilde frå dei største skadene og video frå Askvik Brygge.

Skifta aggregat – tre gongar!

Laurdag kveld 10. januar var 3.500 osingar utan straum. Det er over halvparten av husa i Os.

Sterk vind også søndag var saman med fleire lynnedslag søndag og måndag med på å gjera feilrettinga vanskeleg for BKK Nett. Måndag var det framleis 400 hus utan straum i Os.

– I Os hadde vi 200 lågspenningsfeil og fleire feil i høgspentnettet. Mykje av det var grunna tre over linjene eller knekte stolpar, fortel kommunikasjonsrådgjevar Anne Mette Tuvin i BKK Nett AS.

Størst utfordring med høgspenningsnettet hadde dei i Hegglandsdalen, Søfteland, Drange, Skorpo og Forstrøno.

– I Hegglandsdalen sette vi opp aggregat som vi dessverre fekk problem med. Det måtte skiftast tre gongar grunna lynnedslag.

Ryddejobb med innleigd hjelp

Du treng ikkje ta ein lang biltur i Os for å sjå restar etter orkanen. I Hegglandsdalsvegen på Lyssand sto nyleg ein lyktestolpe på halv åtte. Denne blei skifta i helga.

På Halhjemsvegen står knekte stolpar, desse skal erstattast natt til fredag. Opp Mobergslia heng straumleidningar i tau inntil granstammer.

– Vi jobbar systematisk i område for område, og har leig inn ressursar frå VOKKS Nett AS og Nettpartner, fortel Tuvin.

BKK Nett har registrert nesten 30 reparasjonsjobbar i Os. I tillegg skal dei på synfaring i nokre område, for å registrera kva jobbar som må utførast akkurat i desse terrenga.

– Det er blant anna ein del veglys som er mørke, desse blir tatt fortløpande. Bestillingar frå Os kommune blir utbetra i tråd med avtalen vi har med kommunen.

– Om det dukkar opp forhold som viser seg å vera farleg, eller som kan forverra tilstanden i straumnettet, så blir desse prioritert og tatt først. Vi blir truleg ferdig med desse 30 jobbane før påske, seier Anne Mette Tuvin.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.