NM-bronse i firar

Dei ferske noregsmeistrane, Amund Bjørnevik og Erling Øyasæter, fekk med seg "gutespelarane" Arne Hadler-Olsen og Mattias Haugland og tok bronse i firar for junior.

F.v.: Mattias Haugland, Erling Øyasæter, Arne Hadler-Olsen og Amund Bjørnevik tok i dag bronse i NM i junior-A. Amund og Erling vann tidlegare i dag gull i dobbelsculler. (Foto: Lars Erik Jansen)
Kjetil Vasby Bruarøy
Kjetil Vasby Bruarøysøndag 23. sep. 2012 22:30

Os Roklubb tok i dag sitt første NM-gull nokosinne.

Amund Bjørnevik og Erling Øyasæter var suverene då dei rodde inn til siger i dobbelsculler på Årungen i dag, og seinare same dag sikra dei nok ein medalje.

I firar fekk dei med seg talenta Arne Hadler-Olsen og Mattias Haugland, som ror i junior B (for 16-åringar). Arne og Mattias debuterte i junior A og var med på å ta bronse til Os.

– Etter 500 meter var dei berre ein baug frå 2. plassen, men dei eldste var nok sletne etter gullet tidlegare på dagen og Arne og Mattias kjempa hardt i går, så dei får seia seg nøgde med bronse, seier trenar Audun Hadler-Olsen.

Moss vann og NSR tok andreplassen, begge med berre junior A-roarar i båten.

– Det var eit godt stykke bak til 4, 5. og 6. plassen, som kom ganske tett kvarandre, men som aldri truga Os sin medalje, fortel Audun.

"Veteranar" til finalen

Ei gruppe tidlegare aktive roarar frå Os stilte opp med åttaren til Os Roklubb, og kjempa seg til plass i A-finalen.

Roarar: Simen Jensen, Thomas Grindevoll, Even Skåtøy, Fridtjof Øyasæter, Oddbjørn Gjerde, Lars Erik Jansen, Bård Monsen og Torbjørn Mehammer. Cox var Sebastian Haarvei Bjørgo.

I finalen var to av seniorane skifta ut med Amund og Erling, men hamna dei sist og det blei samla sett ein 6. plass.

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.