NM: Kan Fosen skapa magi mot 1-1-laget Åsane i kveld?

Os har tatt seg til årets NM ved å slå Sund og Lysekloster på bortebane.

I kveld tar dei imot Åsane til avspark klokka 18.

Ni kampar utan siger

Åsane ligg på 14. plass av 16 lag i OBOS-ligaen og har samla til saman 3 poeng på 6 kampar, alle poenga på uavgjort 1-1.

Også dei to siste serierundane i OBOS-ligaen i fjor enda 1-1 for Åsane, som no står med 9 kampar på rad utan siger.

Det er likevel ikkje venta at Os får det enkelt mot eit lag frå to divisjonar opp.

Med mål om å halda dansen i gang

Os har dessutan vore langt frå å tenna lunta på noko cupbombe dei siste åra.

– Det er ein tradisjon vi er innstilte på å bryta! Eg håper vi kan by på ein god fotballkamp i dag, men også at det blir spennande, at vi kan halda dansen i gang ei stund, seier Os-trenar Endre Brenne.

Han er takksam for det gode publikummet Os har hatt i serien i år, og håper endå fleire kjem for å sjå kampen mot Åsane.

Når det kjem til cupbomber, så gjeld det jo å stå nær når den går av.

– Dessutan speler vi jo mot både osingen Bjarte Haugsdal, om ikkje han blir spart i dag, og Morten Gamst Pedersen, som har 83 landskampar og 260 kampar i Premier League bak seg, seier Brenne.

– Kva skal til for at Os får dansa lenge med Åsane i dag?

– Vi må halda på ballen, og bruka den godt, når vi har sjansen. Og så må vi vera kompakte når vi ikkje har ball. Åsane er eit spelande lag, så vi vil prøva å ikkje gi frå oss for mykje mellomrom.

– Korleis er status på stallen før du tar ut troppen?

– Marius Mikkelsen, Kristian Halvorsen, Mathias Dahl og Petter Hilton er framleis ute med skade, Torkel Hjertnes er ikkje med og i tillegg kan det sjå ut som om Thomas Spilde ikkje er klar, eventuelt er med på benken.