Nokre ord om måleria, kunstnarane og Moldegaard

Foredrag torsdag: Under krigen blei kunsten tatt med makt, i 2015 blei det forlik og i år kom den på veggen.

«Kanefart» av Axel Ender og «Landligge i Lofoten» av Gunnar Berg. Torsdag kan du læra meir om både kunstnarane og om historia til Reksten si samling.
Kjetil Vasby Bruarøy
Kjetil Vasby Bruarøymandag 27. aug. 2018 12:36

Hilmar August Reksten (1897-1980) var ein av Noregs største skipsreiarar gjennom tidene, og kunstsamlinga hans var den største privateigde i landet, verdsett til 160 millionar kroner.

I fleire år, i nyare tid, var det ein diskusjon mellom adoptivsønnen Johan Ludwig Mowinckel Reksten (1948-2017) og Os kommune om nokre av kunstverka, i hovudsak «Kanefart» av Aksel Ender og «Landligge i Lofoten» av Gunnar Berg, verdt rundt 2-3 millionar kroner.

Dei aktuelle kunsverka og gjenstandane hamna hos Os kommune rett etter krigen, blant anna då Os kommune leigde det gamle hovudhuset på Moldegaard til lærarhøgskule. Reksten meinte det var midlertidig deponering av verka, kommunen meinte dei var gjeven i gåve. Verken lokalarkiv, statsarkiv og interkommunalt arkiv gav tydeleg svar.

I 2014 blei Os kommune stevna, i 2015, veka før saka skulle opp til behandling i Nordhordland tingrett, blei det inngått forlik. Os kommune fekk hjelp av Per Grieg sr og heldt på måleria.

– Uttrykker glede

I januar i år blei «Kanefart» og «Landligge i Lofoten», nyreinsa med restaurerte gullrammer, del av den faste utstillinga i Griegsamlingen i Oseana.

– Det er tydeleg at mange har eit nært og kjært forhold til desse måleria, frå tider dei har hengt ulike stadar i Os, seier kurator Evelyn Holm.

– Eg har ikkje tal på kor mange osingar som har kome til meg og uttrykt glede over gjensynet med bilda, og gjerne fortalt historiar frå tida dei sjølv såg desse for første gong.

Feirer med talar og foredrag

Torsdag 30. august vil Oseana feira og informera. Per Grieg sr og Os kommune vil bidra med nokre ord, i tillegg vil Holm koma med kunsthistoriske perspektiv på måleria og kunstnarane.

– Høgdepunktet denne ettermiddagen er truleg eit foredrag ved John Widar Storlid. Storlid har jobba på Moldegaard i ei årrekkje, og vil fortelja historia om Reksten si samling, om skjebnen under 2. verdskrig og om arbeidet med å finna kunstverka igjen etter at krigen var over.

Foredraget er gratis og ope for alle.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.