Ny elbil varte i to veker

Det gjekk ikkje lang tid før det vart problem med den eine elbilen til Os Taxi.

Det gjekk ikkje lang tid før det vart problem med den eine elbilen til Os Taxi. (Foto: Ørjan Håland)
Ørjan Håland
Ørjan Hålandmandag 21. sep. 2020 11:20

Os Taxi er på veg mot eit grønt skifte i bilparken sin, og skal byta ut alle sine bilar med nullutslepp-bilar innan 2024.

I førre veke fortalte vi om dei tre første av fem elbilar som kjem på plass innan utgangen av 2020.

Johannes Ravnskog er ein av dei første i Os Taxi som skaffa seg eldrosje, han rakk ikkje køyra sin Polestar 2 i meir enn to veker før den måtte hentast av Viking.

– Eg er ikkje heilt sikker på kva som er gale, men det er mogleg at det har noko med ladinga å gjere. Vi får håpa at det berre er noko programvare som er enkelt å løysa, seier Ravnskog.

Bilen var låst, Viking måtte bruka skliklossar for å få den med seg.

– Eg angrar ikkje på å ha gått over til elbil, men eg må innrømma at eg tenkjer mitt når eg står her utan bil og ser på dieselprisane i dag.

Prisane per liter ligg på under 11 kroner måndag formiddag. Det skal vera berre denne eine av dei to polestarane det har vore problem med.

Det gjekk ikkje lang tid før det vart problem med den eine elbilen til Os Taxi. Foto: ØH

«Uvanleg mange skavankar»

Ifølgje NAF sitt magasin, Motor, er det tett med misnøye i ulike forum som handlar om Polestar 2.

– Vi opplever at kundane som har mottatt sin Polestar 2 er svært nøgde, og vi opplever at vi får gode tilbakemeldingar som hjelper oss å utbetra der vi har potensiale, seier Alexander Hørthe, dagleg leiar i Polestar Norge, til Motor.no.

Motor skriv vidare at det er vanleg med barnesjukdomar på heilt nye bilmodellar, men at det om dette «barnet» blir rapportert om uvanleg mange skavankar.

Magasinet ramsar opp fleire gjengangarar, nokre av dei er feilmelding og utlading av 12-voltsbatteriet, støy frå batterivifte, for høg lading av hovudbatteriet (lader til 100 % sjølv om du set grense på 80 %) og manglande oppfølging frå supportavdelinga.

Samtidig har uvanleg mange skaffa seg, eller bestilt, Polestar 2. Bilen er eit nytt søstermerke i Geely/Volvo-gruppa. Den blei lansert i august og er allereie fjerde mest selte bilmodell.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.