Nytt førarkort nær beslag

Fredag kveld rundt midnatt blei ein 18 år gamal bilførar stoppa av politiet.

– Han kom med breisladd gjennom rundkøyringa mellom E39, Byvegen og Industrivegen, fortel operasjonsleiar Eivind Hellessund i Vest politidistrikt.

Uaktsam køyring kan føra til førarkortbeslag, som det gjorde i Os både i januar og i november i fjor.

– Det blei ikkje tatt beslag på staden, men bilførar er meldt.

Politiet melder elles om ein roleg fredag og natt til laurdag, og opplyser at dei laurdag klokka 8.15 fekk melding om påkøyrd katt i Tøsdalsskiftet.