Oransje farevarsel: Stenger Ole Bulls veg

Fredag sendte Meteorologisk institutt ut oransje farevarsel om mykje nedbør i midtre og indre del av Vestland.

Det erventa frå 60 til 90 mm nedbør frå natt til laurdag til laurdag ettermiddag.

– Vi stenger Ole Bulls veg klokka 08 i dag, opplyser Olav Skeie frå Bjørnafjorden kommune.

Den kommunale vegen er rasutsett, og har bom i begge vegar.

Det er òg meldt kraftig vind i dag, 10 til 13 m/s, men rolegare på kvelden.

Torsdag kom vêromslaget frå snø til regn, og det er meldt 6-10 plussgradar og nedbør i Os dei neste dagane.

Neste helg, julehelga, er det meldt null og éin minus, og sjanse for snø.

Ole Bulls veg blir permanent stengt for biltrafikk i 2025, når fylkesveg Åsen-Helleskaret er ferdig bygd.