Vêret i Os | 04. apr. 2023

Mars var kaldare enn normalt

I fjor fekk vi ein rekordvarm marsmånad i Bergen, i år var den under normalen.

Mars var kaldare enn normalt
Gjestebrygga tysdag 14. mars. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 04. apr. 2023 10:17

Mens vi gler oss over at påskesola varmar i april, kan vi sjå tilbake på ein marsmånad som var kaldare enn normalt.

– Temperaturen for heile landet hamna på 2,9 grader under normalen, seier klimaforskar Jostein Mamen ved Meteorologisk institutt.

Klassifikasjonen av mars viser at månaden var «Kald» i det meste av Sør-Norge, og «Svært kald» i det meste av Nord- Norge. I store delar av Lofoten og Vesterålen var mars «Ekstremt kald».

Frå varmt til kaldt i Bergen

Mars i fjor var rekordvarm på vêrstasjonen Florida i Bergen, med snittempteratur på 6,3 gradar.

I mars i år var snittet 2,3 gradar i Bergen, noko som er 1,5 gradar kaldare enn normalen.

Kaldaste målte temperatur var -9,7 gradar.

Vi hadde 18 dagar med minusgradar i mars.

Mengda dagar med nedbør var 17, mens den totale nedbørsmengda var 181 mm, noko som er 90 prosent av normalen.

Tørr påske

Finvêret vi har i dag held fram.

Det er meldt opphaldsvêr i Os ut nesten heile påsken, med lettskya og skifritt delar av dagane som kjem.

Neste regnbyge er venta å koma andre påskedag etter lunsj.

Sjå detaljert vêrmelding for Osøyro på VG Pent

Så, tilbake til mars:

Dei varmaste stasjonene var

  • Kvitsøy – Nordbø (Rogaland) 3,4 °C (0,4 °C under normalen)
  • Røvær (Haugesund, Rogaland) 3,3 °C (0,3 °C under normalen)
  • Utsira fyr (Rogaland) 3,2 °C (0,3 °C under normalen)

Dei kaldaste stasjonene var

  • Cuovddatmohkki (Karasjok, Troms og Finnmark) -15,3 °C (6,0 °C under normalen)
  • Sihccajavri (Kautokeino, Troms og Finnmark) -15,2 °C (5,7 °C under normalen)
  • Kautokeino (Troms og Finnmark) -14,9 °C (5,7 °C under normalen)

Dei våtaste stasjonene var

  • Flekkefjord (Agder) 323,9 mm (86 % mer nedbør enn normalt)
  • Lyngdal (Agder) 301,6 mm (ingen normal ennå)
  • Gullfjellet (Bergen, Vestland) 282,8 mm (11 % mindre nedbør enn normalt)

Dei tørraste stasjonene var

  • Skjåk II (Innlandet) 10,0 mm (9 % mindre nedbør enn normalt)
  • Skjåk (Innlandet) 12,1 mm (7 % mindre nedbør enn normalt)
  • Dovre - Lannem (Innlandet) 13,7 mm (19 % mindre nedbør enn normalt)

Spennande? Vil du ha ukas høgdepunkt i innboksen?

Les meir om

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.