Os hamn søndag formiddag - med alle fire bølgedemparane på plass. (Foto: Kjetil Vasby Bruarøy)

Os hamn er skjerma

Laurdag kveld kom den fjerde og siste bølgedemparen på plass.

image
image
image
image
Av: Kjetil Vasby Bruarøy

Rett før jul fortalde prosjektleiar Preben Vedholm frå Samba Marin AS om framdrifta med montering av dei tre siste av fire bølgedemparar utanfor Os hamn.

I går blei den siste slept over fjorden frå lagring i Fusa.

– Eg var kanskje første båt til å passera gjennom opninga etter at alle fire var kome på plass, skriv Rolf Lunde, som etter ankomst fotograferte frå moloen og sendte bilde til Midtsiden.

Eit par dagar med justering

Alle bølgedemparane er no festa i rammene som på førehand er monterte.

– No gjenstår det å justera linene i platene som ligg i denne ramma, fortel Vedholm om forankringa.

Han reknar med at det vil gå eit par dagar til, men at arbeidet kanskje er ferdig i morgon.

Posisjonen blir nokolunde lik slik den er søndag formiddag, men bølgedemparane skal litt lengre ut frå moloane og opninga mellom dei to i midten skal vera på 30 meter.

Fleire saker