Os sentrum blir ommøblert

Osdagane blir i år erstatta av «Sommargata» frå fredag 19. til laurdag 27. juni.

– I år blir det ingen tilreisande utstillarar, men ein del butikkar har sommarsal og flyttar delar av utstillinga si ut.

– Sommargata er ikkje eit arrangement, men ei gågate med ulike kulturinnslag, fortel Fjordfolk, som er arrangør for Os Sentrumsforening.

Gågata blir mellom Havnechefen, Oshjørnet og bankbygget - og denne delen av Øyro blir stengt for gjennomkøyring frå klokka 9 til 17 desse dagane.

Førebuande arbeid starta i dag, og fleire parkeringsplassar er no erstatta av område for gåande.