Os Fotball dame | 20. mai 2023

Poengdeling nok ein gong

Os leia 3-1, men måtte nok ein gong nøya seg med eitt poeng.

Poengdeling nok ein gong
Vy Nguyen, her då Os vann 4-1 i serieopninga, skåra 2 av Os sine 3 mål i dag. (Foto: Nicholas Forstrønen Bruarøy)
Kjetil Vasby Bruarøy
Kjetil Vasby Bruarøylørdag 20. mai 2023 14:58

Damelaget til Os spelte i dag sjette serierunde.

Kampen gjekk på heimebane mot Stord, som sto med éin siger og fire tap før dagens kamp.

Andrine Brunvatne Kvittingen sendte Os i 1-0-leiing i 5. minutt, men gjestane utlikna to minutt etter.

Vy Nguyen ordna 2-1 og 3-1 før pause.

Andre omgang såg ut til å bli mållaus, men gjestane reduserte i 82. minutt og skåra på straffe på overtid.

Dermed enda kampen 3-3.

Etter 4-1 i serieopninga har Os sitt damelag lagt under 2-0 og 4-2, men utlikna til 2-2 og 4-4 mot Lyngdbø, som i dag leiar tabellen.

Så leia dei 2-0, men tapte 2-3 for Voss heime. Mot Bjarg i neste runde låg Os under 0-1 til utlikning i 81. minutt.

Neste heimekamp går mot Fyllingsdalen 2 søndag 4. juni.

Tabell og terminliste på fotball.no

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.