Fotball | 22. jan. 2023

NM: Har sett saman eit J16-lag

Spelarar frå fire ulike lag speler saman mot tøff motstand i NM-kvalik på Kuventræ torsdag.

NM: Har sett saman eit J16-lag
Ørjan Sandal, trenar for Os sitt damelag, leiar Os J16 i NM-kvalifiseringa. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 22. jan. 2023 21:05

Mens Os sitt damelag så vidt er i gang med treningskampar har Os jenter 16 NM-kvalifisering førstekomande torsdag.

Jenter 16-klassen har ikkje seriespel i Hordaland, men Os har sydd saman ein tropp frå heile fire ulike lag.

– Vi har spelarar frå 13 til 16 år med erfaring frå J14, J15, J17 og senior, ganske jamt fordelt. Her blir det mange flinke og ivrige jenter på banen, fleire av dei yngre blir nok også å sjå på damelaget utover i sesongen, seier Ørjan Sandal.

Sandal trener damelaget og leiar J16 i NM.

Sandal har tidlegare leia Nore Neset J17 (2003-årgangen i 2020) til finalesiger i Adidas Cup. Adidas Cup blir ofte kalla vunne uoffisielt NM, då det ikkje blir arrangert NM i 17-årsklassen.

Nore Neset/Os J17 vann Adidas Cup 2019. 
Les ògNoregs beste J17-lag!

No er det jenter 16 og spelarar ned i 13-årsalderen han skal leia i kamp.

Motstandar i første kvalifiseringskamp er Voss.

– Voss skal vera storfavoritt, så det kan bli ei tøff utfordring, seier Sandal.

– Vi har ikkje fått trent saman, desse jentene trener mykje og er ein del opptatt frå før.

– Men vi fekk ein treningskamp før jul og ein etter. Dei klarte seg fint og tok ein knapp siger i begge.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.