Politiet ba vegvesenet kontrollera tivoli-køyretøy

Statens vegvesen kontrollerte i går fleire tunge køyretøy etter oppmooding frå politiet.

– Vi fekk melding i 17-tida om ei tungbilgruppe som såg ut til å vera tungt lasta. Bilane var på Sandvikvåg, på veg mot Halhjem, fortel politioverbetjent Christine Grindstein.

Politiet i Os samarbeidde med Bergen sør og vegvesenet, og fekk stoppa cirka ein tredel av bilane.

Desse blei kontrollerte på E39 Byvegen i Hjellemarka på Søfteland, og i Bergen.

I alt sju køyretøy blei sjekka.

– Det blei skrive nokre tekniske mangelsedlar, opplyser Inge Hellebust i rapporten frå kontrollen.

Manglane dei fann var blant anna abs-feil, rustangrep på ramme, sprekk i frontrute, sprekk i ramme, diverse lysmanglar og oljelekkasje.

– I tillegg var det nokre manglande dokumentasjon i samband med dispensasjon.

Ingen fekk bruksforbod, så følgjet kunne køyra vidare etter fullført kontroll.