Post-tjuvar stal kort og kode

I helga fekk politiet melding om funn av post som var slengt i eit nabolag i Øyrsmoget.

– Posten er frå same gate og nabogata St. Hanshaugen.

– Vi har tatt posten inn til tørking og vil senda den ut igjen med eit følgeskriv der vi informerer om kva som har skjedd, fortel politioverbetjent Audun Hadler-Olsen.

Stal frå Nordmarka og Solstrandvegen

I september blei det funne store mengder stolen post bak ein trafokiosk i Nordmarka.

– Det byrja med at vi sjekka postkassen, der det låg post, men vi tok den ikkje med oss for vi skulle ut og handla, fortel Anders Fløysand.

Då han kom tilbake var posten vekke.

– Det står ein trafokiosk nær postkassestativet, så eg såg bak den. Der låg mykje post og reklame, blant anna post til ein som bur i Solstrandvegen.

Fekk tak i kort og kode

Fløysand, som også er leiar i velforeininga i Nordmarka, varsla naboane sine om funnet.

– Då kunne fleire fortelja at dei har funne post andre plassar, blant anna bak ei hytte nær eit anna postkassestativ i nabolaget.

I starten trudde han at post-tjuveria var barnestreker. Det trur han ikkje lenger.

– Eg har sjekka bak trafokiosken seinare òg, og funne meir post. Og den ligg sortert, reklame for seg, post for seg.

– Dessutan kan ei kvinne i nabolaget fortelja at ho skulle få nytt bankkort, men at dette tydelegvis er stole i posten, for nokon har prøvd å ta ut 7000-8000 kroner med kortet.

– Vi har oppmoda alle i nabolaget om å låsa postkassane sine. Det bør sikkert andre i Os gjera òg.

I mai i år blei det funnen stolen post i Kuhnlevegen, post frå andre gater i nabolaget, som Sollia.