Pressa seg fram i 3 minusgradar
– Tidleg til å vera i indre strøk.
Det har vore strålande sol, men ganske kaldt i førre veke og desse første dagane etter vinterferien.
Onsdag for ei veke sidan observerte Anna Lena Skaathun hoggorm i Øyane, i går såg Tore Øvreeide frå Hegglandsdalen eit anna vårteikn på Lio.
– Det er tidleg til å vera i indre strøk. Det er tre minusgradar her no, og på vegen 50 meter bortanfor var det snø, fortel Øvreeide.
Det er meldt sol og minusgradar til og med fredag, men snø fredag kveld og laurdag, og sludd søndag og måndag. Sjå vêrmelding for Osøyro på VG Pent.
Kusymre (Primula vulgaris) er ei plante i nøkleblomfamilien. Slektsnamnet Primula betyr «den første om våren», vulgaris betyr vanleg.
Kusymre var fylkesblomst for Hordaland (Sogn og Fjordane hadde revebjølle). Lokalt på Vestlandet blir den òg kalla kublom, nokre stadar blir den kalla kusømra, kusom, gulveis, liblom og kosmos.
Planta veks i store delar av Europa. I Norge er den vanleg i kyststrøk frå Aust-Agder til Sør-Trøndelag. Den veks i fuktig, skyggefull skog og grasbakkar, og trivst også godt nær sjø.
Kusymre har vore brukt til urtemedisin. Den er ikkje giftig, men kan gi allergiske reaksjonar.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.