På tide å sleppa kyrne ut?
Kusymre i Kvalsundet gir grønt (eller gult) lys for beitetid.
Normalt blømer dei i april og mai, men i går tok naturfotograf Oddmund Lunde bilde av ein sprungen blome av typen kusommar.
– Kusymra er alltid tidlig ute her på Innerøya og Ytterøya. Våren er på veg, seier Oddmund.
– For nøyaktig eitt år sidan fant eg denne tidlege blomen på same stad.
Ferdig utsprungen kusommar var tidlegare eit teikn på at «ku kunne livnære seg ute», ifølgje artsdatabanken.no.
Kusymre (Primula vulgaris) er utbreidd langs kysten frå Oslo til Trøndelag, og har ulike dialektnamn;
kusømr (Volda), kusumre og kusomre (Syvde, Davik), kusemmer (Fræna), kusinder (Stranda), gulsoleie, gulegull, ferigåsgull (Haram), kusyvise (Ørsta), gulsymre, aurikla, kusymre (Sunndal).
Kusommar veks på ulike kulturmarker, i edelløvskog og i skogkantar. Du finn dei òg i grasdominerte lyngheiområde og i gjødsla eng.
